Folk Tour Albania

Trupa artistike e Ansamblit Kombëtar të Këngëve dhe Valleve Popullore, në kuadër të kalendarit të sezonit turistik Verë 2024, nën titullin “Folk on Tour”, do të performojë në disa qytete turistike të vendit gjatë muajit gusht. Ata do të prezantojnë një program të larmishëm këngësh, vallesh dhe kostumesh, duke shfaqur para publikut dhe turistëve të shumtë vlerat e jashtëzakonshme të folklorit shqiptar dhe të trashëgimisë sonë kulturore, duke krijuar gjithashtu një atmosferë festive në çdo shesh.